एजेन्सी । जर्मन सुपरकपको उपाधि बोरुसिया डर्टमण्डले जितेको छ । शनिबार भएको खेलमा बायर्न म्युनिखलाई २–० ले हराउँदै डर्टमण्ड च्याम्पियन बनेको हो ।

पहिलो हाफ गोलरहित बनेको खेलको दोस्रो हाफमा डर्टमण्डले दुई गोल गरेको थियो । दोस्रो हाफको ४८ औं मिनेटमा पाको अल्कासरले गोल गर्दै डर्टमण्डलाई अग्रता दिलाए । यस्तै ६९औं मिनेटमा सान्चोेले गोल गर्दै डर्टमण्डलाई २–० को अग्रता दिलाए।

जर्मन सुपरकप बुण्डेस लिगा उपाधि विजेता जर्मन कप विजेताबीच खेलाइने गरिन्छ । तर, दुबै प्रतियोगिताको उपाधि बायर्न म्युनिखले जितेकोले लिगमा दोस्रो भएको डर्टमण्डले मौका पाएको थियो ।