एजेन्सी । बर्षाका कारण ग्लोबल टी–२० मा नेपाली बलर सोमपाल कामीको टिम विनीपेग हक्स र भ्यानकुभर नाइट्स विचको खेल रद्द भएको छ ।

भारी बर्षाका कारण मैदानको आउटफिल्ड खेल्न योग्य नभएको र पिच पनि केहि ओसिलो भएकाले रद्द भएको हो । यो खेलमा नेपाली बलर सोमपाल कामी खेल्ने नखेल्ने निश्चित भने थिएन । यो बराबरीले तेस्रो स्थानमा रहेको विनिपेग हक्सको ६ खेलबाट ५ अंक भएको छ ।

प्रतियोगितामा आज अर्का नेपाली खेलाडी सन्दिप लामिछानेको टिम टोरन्टो नेश्नल्सले मोन्ट्रेल टाइगर्ससँग खेल्नेछ । अहिलेसम्म खेलेका ५ खेलमा दुईमा मात्र जित निकालेको टोरन्टो लिगको चौथो स्थानमा रहेको छ । पहिलो खेलमा केहि महंगो बनेका सन्दिपले दोस्रो खेलमा राम्रो प्रदर्शन गरेका थिए । त्यसैले आज पनि उनी टिममा पर्ने संभावना बलियो बनेको छ ।