एजेन्सी । उरुग्वे तथा इन्ग्लिश क्लब म्यानचेस्टर युनाईटेडका पूर्व फरवार्ड डियगो फोर्लानले फुटबल खेल जीवनबाट सन्यास घोषणा गरेका छन् । ४० वर्षिय फोर्लानले बुधबार खेल जीवनबाट सन्यास घोषणा गरेका हुन् ।

फोर्लानले अन्तराष्ट्रिय फुटबलबाट भने सन् २०१४ को विश्वकपपछि सन्यास घोषणा गरेका थिए । फोर्लानले उरुग्वेबाट ११२ खेलमा ३६ गोल गरेका थिए । फोर्लानले सन् २००२ बाट २००४ सम्म युनाईटेडबाट ६३ खेलबाट १० गोल गरेका थिए । त्यसपछि भिया रियल गएका फोर्लानले त्यहाँ १०६ खेल खेलेका थिए ।

फोर्लानले सन् २००७ देखि ११ सम्म एट्लेटिको मड्रिडबाट खेलेका थिए । जहाँ १३४ खेलमा ७४ गोल गरेका थिए । पछिल्लो समय फोर्लानले गत सिजन हङकङको क्लब किट्चीबाट खेलेका थिए ।