एजेन्सी । क्यानडामा जारी ग्लोबल टि-ट्वान्टी अन्तगर्त विनिपेग हक्स बिरुद्धको एलिमिनेटर खेलमा युवा लेग स्पिनर सन्दिप लामिछानेले चार ओभर बलिंग गर्दै ३४ रन खर्चिएर दुई विकेट हात परेका छन् ।

सन्दिपले आफ्नो पहिलो ओभरको पहिलो बलमा तथा चौथों तथा अन्तिम ओभरको चौथों बलमा विकेट निकालेका हुन् । सन्दिपले आफ्नो अन्तिम ओभरको चौथों बलमा सन्नी सोहललाई तथा पहिलो ओभरको पहिलो बलमा उमर अकमललाई आउट गराएका हुन् । सन्दिपले आफ्नो पहिलो ओभरमा १३, दोश्रो ओभरमा आठ तथा तेश्रो ओभरमा नौं रन खर्चिएका थिए भने अन्तिम ओभरमा मात्र चार रन खर्चिए ।

सन्दिपले आफ्नो पहिलो ओभरको पहिलो बलमा नै विकेट निकाल्दै उत्कृस्ट शुरुवात गरेता पनि त्यस पछि भने विकेट निकाल्न सकेनन् र केहि महँगो पनि साबित भए । टोलीको तेश्रो तथा आफ्नो पहिलो ओभरमा सन्दिपले एक रन बनाएका उमर अकमललाई विकेट किपर हेन्रीच क्लासेनको हातबाट क्याच थमाउँदै विकेट हात परेका हुन् ।

अहिले हक्स र टोरन्टोबिच खेल भइरहेको छ। टोरन्टोले दिएको २३९ रनको लक्ष्य पछ्याएको हक्सले १७ ओभरमा ५ विकेट गुमाएर २०१ रन बनाएको छ।