मुम्बई । बलिउडकी अहिलेकी चर्चित गायिका नेहा कक्कर फेरि निजी खबरका कारण अहिले चर्चामा रहेकी छन् । केहि समय अघि आफ्ना लामो समयदेखिका प्रेमी हिमांशु कोहलीसँगको ब्रेकअपका कारण निकै चर्चामा आएकी थिइन् । ब्रेकअपका कारण नेहा डिप्रेसनमा समेत गएकी थिइन् । सामाजिक संजालमा निकै सक्रिय नेहाले आफ्नो निराशा सामाजिक संजालमा समेत व्यक्त गरेकी थिइन् ।

नेहाको ब्रेकअपकोको खबर सेलाउन नपाउदै अहिले नेहाको अफ्येर्स इन्डियन आइडलका एक प्रतियोगीसँग सुरु भएको खबर अहिले बाहिर आएको छ । मिडिया रिपोर्टसका अनुसार नेहा र इन्डियन आइडलका प्रतियोगी विभोर पराशरसँग अफ्येर्समा रहेको उल्लेख गरिएको छ ।

विभोर इन्डियन आइडल सिजन १० का प्रतियोगी थिए जसमा नेहा जजको रुपमा थिइन् । इन्डियन आइडलपछि नेहाले विभोर र अर्का प्रतियोगी कुशाल पण्डितसँग कैयौ टुर समेत गरेका थिए । सोहि टुरका बीच दुवै नजिक भएको र अफ्येर्स सुरु भएको चर्चा अहिले गरिएको छ ।

मिडियामा नेहा र विभोरको अफ्येर्सको खबर चर्चामा आउँ थाले पछि विभोरले एक अन्तर्वार्ता दिदै यो अफवाह भएको र आफुले नेहालाई सम्मान गर्ने बताएका छन् । उनले आफु अहिले चर्चामा हुनुमा नेहाको हात भएको भन्दै यस्तो कुरा सुनेर आफु हैरान भएको बताएका छन् । यस विषयमा नेहाले भने कुनै प्रतिक्रिया दिएकी छैनन् ।