काठमाडौं। नेपाली चलचित्र उद्योगकी बरिष्ठ कलाकार सुभद्रा अधिकारीको आज ७३ वर्षको उमेरमा निधन भएको छ । ७३ वर्षकी अधिकारीको आज बिहान डल्लुस्थित आफ्नै निवासमा निधन भयो । यो दुखद् खबरले नेपाली कलाक्षेत्रसँगै आम नेपाली स्तब्ध भएका छन् । अधिकारीको आज पशुपति आर्यघाटमा १ बजेदेखि ३ बजेसम्म श्रद्धाञ्जली अर्पणपछि अन्तिम संस्कारको कार्यक्रम राखिएको छ ।

बरिष्ठ कलाकार अधिकारीको निधनपछि थुप्रै फिल्ममा उनीसँगै काम गरेकी अभिनेत्री करिष्मा मानन्धरले भावपूर्ण स्टाटस लेखेकी छिन् । करिश्माले लेखेकी छिन् – ‘आदरणीय सुभद्रा अधिकारी दिज्जुको निधानको दुःखद् खबरले स्तब्ध बनाएको छ । मानिसको यो नाशवान चोलाको तीतो सत्यले फेरि झसङ्ग बनाएको छ । त्यसैले कसैको मन नदुखाउ । दिज्जु हजुरले आजीवन कलाक्षेत्रलाई दिनुभयो त्यो योगदान अतुलनीय छ। हजुरबाट हामीले धेरै सिक्ने मौका पायौं । हजुरसंग बिताएका हरेक पल यो मानसपट्लमा सुनौलो याद बनेर रहनेछ । भावपुर्ण श्रद्धाञ्जली हजुर ।’

यस्तै रेखा थापाले पनि अधिकारीप्रति श्रद्धाञ्जली अर्पण गरेकी छिन् ।