काठमाडौं। न्यु समिटको सिनियर ब्वाइज र गल्र्स दुवै टिम चौधौं क्विक्स चिजबल ग्रिनल्यान्ड अन्तरविद्यालय बास्केटबल प्रतियोगितामा आइतबार क्वाटरफाइनलमा प्रवेश गरेका छन् ।

सिनियर ब्वाइजमा न्यु समिटले नेसनल युनाइटेडलाई ३९–२८ ले पराजित ग¥यो । न्यु समिटको जितमा बादल थापा र सशांक महर्जनले समान ११–११ अंक योगदान गरे । सिनियर गल्र्समा अम्बिका शर्मा र रुबिका निरौलाको समान ९–९ अंक सहयोगमा न्यु समिटले पृथ्वीलाई २५–२६ को साँघुरो अन्तरले हरायो ।

सिनियर ब्वाइजको अन्य खेलमा आयोजक ग्रिनल्यान्ड ‘बी’ ले बूढानीलकण्ठ आश्रमलाई २६–२४, गोल्डेनपिकले नवोदितलाई ३६–३२, एन्जल्स हर्टले डिआर मेमोरियललाई २९–२५, पृथ्वीले द चाँदबागलाई २०–१७ तथा ग्रिनल्यान्ड ‘ए’ ले ग्रिनफिल्डलाई ४६–३६ ले पाखा लगाए । ग्रिनल्यान्ड ‘बी’ का क्षितिज गुरुङ र विमल जागरीले समान ९–९, गोल्डेनपिकका गोपाल भण्डारीले १३, एन्जल्स हर्टका प्रतीक गौलीले १३ र पृथ्वीका रवि मण्डलले १४ स्कोर गरे ।

जुनियर ब्वाइजमा ग्रिनफिल्डले भद्रकालीलाई २६–१८ ले पन्छायो । विजयी टिमका लागि गोविन्द थापाले १० अंक जोडे ।