एजेन्सी । उल्भ्स युरोपा लिगको समूह चरणमा छनोट भएको छ । दोस्रो लेगको खेलमा टोरिनोलाई २–१ गोल अन्तरले पराजित गर्दै समग्रमा ५–३ को नतिजा सहित उल्भ्स युरोपा लिगमा छनोट भएको हो ।

उल्भ्स करिब ४० बर्षपछि तीन चरणको छनोट पार गर्दै युरोपेली प्रतियोगितामा छनोट भएको हो। खेलको ४० औ मिनेटमा राउल जिमेनेजले गोल गर्दै उल्भ्सलाई सुरुवाती अग्रता दिलाएका थिए ।

एन्ड्रिया बेलोटीले ५७ औ मिनेटमा गोल गदै टोरिनोलाई खेलमा फर्काउने कोशिश गरे । तर त्यसको एक मिनेटपछि लियन्डर डेन्डोनेकरले गोल गर्दै उल्भ्सको जित निश्चित गरे । पहिलो लेगको खेलमा उल्भ्सले ३–२ को जित निकालेको थियो । अब शुक्रबार हुने ड्र अनुसार उल्भ्सको समूह चरणको प्रतिद्वन्दीको टुङ्गो लाग्नेछ ।