एजेन्सी । युरोपा लिग फुटबलको सहज समूहको ड्र सार्वजनिक भएको छ। युरोपियन फुटबलको सर्वोच्च निकाय युईएफएले शुक्रबार सार्वजनिक गरेको समूह चरणको ड्र मा युनाइटेड र आर्सनल सहज समूहमा परेका छन् ।

ड्र अनुसार युनाइटेड समूह एल मा परेको छ । यस समूहमा युनाइटेडसँगै काजकिस्तानको एफके अस्टाना, सर्बियाका एफके पर्तीजन र नेदरल्याण्डका एजे अल्क्मार रहेका छन् ।

यस्तै आर्सनल समूह एफ मा परेको छ । आर्सनलको समूहमा जर्मनीका फ्रान्कफर्ट, बेल्जियमका स्टानडर्ट लिगे र पोर्चुगलका भिक्टोरिया रहेका छन् । त्यस्तै इटालियन क्लब रोमा समूह जे र स्पेनिस क्लब सेभिया समूह ए मा रहेको छ । युईएफएले ४८ क्लबलाई १२ समूहमा विभाजन गरेर ड्र सार्वजनिक गरेको हो ।