काठमाडौं। अघिल्लो सिजनको समाप्तिसँगै युरोपियन फुटबलमा निकै चर्चाको विषय बनेको नेइमारको ट्रान्सफर प्रयास अन्ततः समाप्त हुने भएको छ । र, नेइमारले यो सिजन आफूले चाहेजस्तो अवसर नपाउने भएका छन् ।

स्पेनिस मिडिया मार्काले जनाएअनुसार अन्ततः नेइमारले हार मानेका छन् । उनले अब पेरिस सेन्ट जर्मेनलाई आफू क्लवमै बस्ने बताएका छन् किनकि पिएसजीले बार्सिलोनाले दिने भन्दा धेरै सुविधा दिएको छ । मार्काले एल इक्विपलाई उद्धृत गर्दै लेखेको छ ‘नेइमारले उनका परिवारलाई आफू फ्रान्सको राजधानीमै रहने बताइसकेका छन् । उनका प्रतिनिधिहरुले सम्बद्ध सबै क्लवहरुलाई उनी पिएसजीमै रहने बताइसकेका छन् ।