एजेन्सी । भारतीय तिब्रगतिका बलर मोहम्मद शामीका लागि सोमबारको दिन निकै तनावपुर्ण रुपमा वित्यो । वेष्ट इन्डिज विरुद्धको टेष्टमा भारत विजयी हुँदा जितको खुसी मनाउने बेला, भारतमा उनका विरुद्धको अदालतले ठुलो निर्णय गर्यो ।

घरेलु हिंसाको आरोप लागेका उनलाई गिरफ्तारको वारेन्टी जारी भयो । कोलकाताको पश्चिम बंगालको अलीपुर अदालतले शामीकी पत्नी हसीन जहाले फाइल गरेको उजुरीमा सुनुवाई गर्दै उनलाई गिरफ्तारको वारेन्ट जारी गरेको हो ।

West Bengal: Alipore court issues arrest warrant against Indian cricketer Mohammad Shami and his brother Hasid Ahmed in connection with domestic violence case filed by his wife Hasin Jahan. The court has asked him to surrender within 15 days pic.twitter.com/0LKn8ivCOl

— ANI (@ANI) September 2, 2019

हाल वेष्ट इन्डिजमा रहेका उनलाई १५ दिनभित्र अदालतमा हाजिर नभए उनलाई गिरफ्तार गर्न निर्देशन गरेको छ । २०१८ मा शामीकी पत्निले आफुमाथि मारपिट, रेप र हत्याको कोशिस गरेको भन्दै घरेलु हिंसाको गम्भिर ओराम लगाउँदै सामी विरुद्ध उजुरी दिएकी थिइन । यसका साथै यी दुईको तलाकको मुद्दापनि अदालतमा चलिरहेको छ ।

परस्त्रीसँग सम्बन्ध रहेको भन्दै सामीकी पत्निले उनी विरुद्ध सोसियल मिडियामा प्रमाणसहित सार्वजनिक गरेपछि सामीको भित्रीकुरा सार्वजनिक भएको थियो । यहि विषयमा शामीले पत्निलाई पिट्ने गरेको र शारिरीक रुपमा पनि शोषण गर्ने गरेको बताइएको थियो । जसका कारण सामिलाई भारतीय क्रिकेट बोर्डपनि सुरुवातमा सम्झौता रद्द गर्ने निर्णय गरेपनि पछि उनलाई क्लिन चिट दिएर बी ग्रेडको खेलाडीमा राखेको थियो ।