एजेन्सी । सेरेना विलियम्स युएस ओपन टेसिनको सेमिफाईनलमा प्रवेश गरेकी छिन् । क्वार्टरफाईनलको खेलमा चीनियाँ खेलाडी वाङ् छयाङ्लाई हराउँदै सेरेनाले अन्तिम चारको यात्रा तय गरेकी हुन् । उनले खेल जित्न मात्र ४४ मिनेटको समय लगाईन् ।

उनले १८ औं वरियताकी खेलाडीलाई ६–१ र ६–० को सेटमा पाखा लगाईन् । आठौं वरियताकी सेरेना कीर्तिमानी २४ औ ग्रान्डस्लाम जित्ने अभियानमा रहेकी छिन् ।

उनले युक्रेनकी पाँचौ वरियताकी इलिना स्भिटोलिनासंग अब प्रतिस्पर्धा गर्नेछिन् । ६ पटक युएस ओपन जितेकी सेरेनाले सन् २०१७ पछि कुनै ग्रान्डस्लाम जित्न सकेकी छैनिन् ।

जसले गर्दा अष्ट्रेलिया मार्गरेट कोर्टको सर्वाधिक ग्रान्डस्लामको कीर्तिमान उनीले बराबरी गर्न चुकिरहेकी छिन् । पछिल्लो बर्ष उनी दुई ग्रान्डस्लामको फाईनल पुगेर उपाधि जित्नबाट बञ्चित भएकी थिईन् ।