एजेन्सी । ईडेन हाजार्ड बेल्जियमको राष्ट्रिय फुटबल टिम बाहिर परेका छन् । बेल्जियमले युरो छनोटका लागि घोषणा गरेको टोलीमा हाजार्डलाई राखिएको छैन ।

करिब सय मिलियन युरोमा स्पेनिस क्लब रियल मड्रिड पुगेका हाजार्डले क्लबबाट लिग खेलमा डेब्यु गर्न पाएका छैनन । उनी चोटका कारण मैदान बाहिर रहदै आएका छन् ।

सिजनको पहिलो अन्तराष्ट्रिय ब्रेकपछि हाजार्डको नाम समेत टिममा राखिएको थियो । तर प्रशिक्षक रोबर्ट मार्टिनेजले कुनै जोखिम लिन नचाहने भन्दै हाजार्डलाई टिम बाहिर राखेका हुन् ।

⚽ @hazardeden10 & @HazardThorgan8 left us. Both are injured and not able to play against San Marino and Scotland #EURO2020

— Belgian Red Devils (@BelRedDevils) September 3, 2019

मार्टिनेजले हाजार्ड खेल्नका लागि फिट नभएको भन्दै उनलाई टिम बाहिर राखेका हुन् । बेल्जियमले युरो छनोट अन्तर्गत सान मारिनो र स्कटल्याण्डसंग खेल्दैछ । रियलले स्पेनिस लिगमा भिल्ला रियलसंग २–२ गोलको बराबरी खेल्दा समेत हाजार्डलाई बाहिर राखिएको थियो ।

बेल्जियम युरो छनोटको समुहमा शीर्ष सथानमा छ । उसले चारै खेल जितेको छ । उसले शुक्रबार सान मारिनो र अर्को सोमबार स्कटल्याण्डविरुद्व खेल्नेछ ।