काठमाडौं। अभिनेता पुष्प खड्कालाई चलचित्र अफरको कमी छैन्। राम्रो नृत्य साथै अभिनय गर्ने अभिनेताका रुपमा परिचित उनको ‘मारुनी’ हलमा प्रदर्शनरत छ।

नवल नेपाल निर्देशित चलचित्रमा पुष्पले साम्राज्ञी राज्यलक्ष्मी शाह र रेविका गुरुङसंग रोमान्स गरेका छन्। बलिउड चलचित्र ‘साहो’को चेपुवामा परेपनि माउथ पब्लिसिटी राम्रो भएका कारण चलचित्रले दोस्रो सातामा पनि दर्शकको साथ पाएको छ।

दर्शक प्रतिक्रियाबाट खुसी छन् पुष्प। ‘मारुनी’प्रदर्शनसंगै दर्शकमा चासो हुनसक्छ अब उनले कुन चलचित्रमा काम गर्छन्।

पुष्प भने आफूले कुनै पनि चलचित्र साइन नगरेको बताउँदै राम्रो कथाको प्रतिक्षामा रहेको बताउँछन्।
‘अहिले पनि थुप्रै कथाहरु सुनिरहेको छु। कति मैले चित्त नबुझेर काम नगरेका चलचित्र फ्लोरमा गईसकेका छन्। तर, मलाई चित्तबुझ्दो कथा पाएको छैन्’– उनी भन्छन्।

उनी राम्रो कथा नआउँदा आत्तिएका छैनन्। थप्छन, –‘मेरो धेरै ग्याप पनि त भएको छैन्। तीन महिनाअघि ‘दाल भात तरकारी’ प्रदर्शनमा आएको थियो। अहिले ‘मारुनी’ प्रदर्शनरत छ। चित्त बुझ्दो कथामा चलचित्रको अफर आउँनासाथ काम गर्नेछु।’