भक्तपुर । महिला, बालबालिका तथा ज्येष्ठ नागरिकमन्त्री थममाया थापाले खानपिन र जीवनशैलीमा परिवर्तन गरे क्यान्सर रोगबाट बच्न सकिने बताएकी छन् । श्रमजीवी महिला तथा बालकल्याण परिषद्को २५औँ वार्षिकोत्सवमा आज यहाँ आयोजित ‘महिला क्यान्सर रोगसम्बन्धी प्रशिक्षण कार्यक्रम’मा उनले २०६३ जेठ १६ गते तत्कालीन संसद्बाट चार विधेयक पास गरिएको बताईन् ।

सरकारले आगामी जेठ १६ गतेलाई ‘महिला अधिकार दिवस’को रुपमा मनाउने मन्त्री थापाले बताइन् । सरकारले महिला हिंसा न्यूनीकरणका लागि यसवर्षलाई महिला अभियान वर्षको रुपमा मनाउने उनले बताईन् । कार्यक्रमममा परिषद्का केन्द्रीय अध्यक्ष रञ्जु नापितले भ्याली हेल्थ तथा रिसर्च सेन्टरले भिडियो एक्सरे, एक्स–रे, ल्याब, इसिजीलगायत सेवा प्रदान गर्दै आएको बताईन् ।