एजेन्सी। बाहुबली स्टार प्रभासका लागि फ्यानहरुको पागलपन बेलाबेला देख्न पाइन्छ । पछिल्लो समय तेलंगनामा प्रभासका उग्र फ्यानले अर्को हंगामा गरे जसका कारण मानिसहरु चकित परे । प्रभाससँग भेट्न माग गर्ने यी फ्यान मोवाइल टावरमा चढे । उनले प्रभाससँग भेट्न नपाए टावरबाट हाम्फाल्ने धम्की दिए ।

सामाजिक संजालमा ती फ्यान टावरमा चढेको तस्वीर सार्वजनिक भएको छ। टाइम्स अफ इण्डियाको रिपोर्टअनुसार फ्यान टावरमा चढे र त्यहाँबाट हाम्फाल्ने धम्की दिए । उनले यदि प्रभाससँग भेट्ने व्यवस्था नमिलाइएमा फोन टावरबाट हाम्फाल्ने बताएका थिए । पुलिस र त्यहाँ रहेका मानिसहरुले ती फ्यानलाई मनाउने प्रयास गरे तर ती फ्यानले तल ओर्लन अस्वीकार गरे ।

पछि यो घटना कसरी सम्हालियो भन्ने थाहा भएको छैन । यसबारे प्रभालाई जानकारी दिइयो वा दिइएन भन्ने पनि थाहा भएको छैन । यसअघि साहो रिलिजभन्दा अगाडि आन्ध्र प्रदेशमा फिल्मको ब्यानर थिएटरमा लगाउने क्रममा एक फ्यानको मृत्यु भएको थियो ।