काठमाडौं । विहिबारदेखि शुरु भएको पाँचौ एशेजमा घरेलु टिम इङल्याण्ड पहिलो दिन संघर्ष गर्दै अल आउट हुनबाट बचेको छ । इङल्याण्डका ब्याट्सम्यान जोस बटलर, ज्याक लीचको सहयोगमा अस्ट्रेलियाका बलरविरुद्ध खेलिरहेका छन् ।

टस हारेर पहिला ब्याटिंग गरेको इङल्याण्डले पहिलो दिनको खेल सकिदा आफ्ना ८ विकेट गुमाएर २७१ रन बनाएको छ । इङल्याण्डका लागि जोस बटलरले ६४ रन बनाएर खेलिरहेका छन् भने उनलाई ज्याक लीचले १० रन बनाएर साथ दिइरहेका छन् ।

त्यस्तै कप्तान जोय रुटले ५७ रन बनाए भने ओपनर रोरी बर्न्सले ४७ रन बनाएर आउट भएका थिए । त्यस्तै जोनी बैरस्ट्रवले २२, बेन स्टोकले २०, साम कुरानले १५, जोय डेनलीले १४, क्रिस वोक्स २ र जोफ्रा अर्चर ९ रन बनाएर आउट भए ।

त्यस्तै अस्टेलियाका बलर मिचेल मार्शले सर्वाधिक ४ विकेट लिए भने पाट कमिन्स र जोस हजेलवुडले २-२ विकेट लिए ।

एशेज सिरिज अन्तर्गत अस्ट्रेलिया अहिलेसम्म २-१ ले अगाडी रहेको छ ।