काठमाडौं । काठमाडौंको गोलढुंगामा प्रहरीले गुण्डागर्दीमा संलग्न साजन गुरुङलाई नियन्त्रणमा लिन प्रहरीले गाेली चलाएकाे छ।

गुण्डागर्दी गर्दै आएको आरोपमा प्रहरीको खोजी सूचीमा रहेका साजन गुरुङलाई विशेष सूचनाका आधारमा प्रहरीले पक्राउ गर्न खोज्दा उल्टै प्रहरी माथि आक्रमण गर्न खोजेपछि प्रहरीले गोली चलाएको एक प्रहरी अधिकारीले बताएका छन्।

उनका अनुसार महानगरीय अपराध अनुसन्धान महाशाखा, टेकुको टोलीसँग जम्काभेट भएपछि प्रहरीले दुई राउण्ड गोली फायर गरेको हो।

गोली लागेर घाइते भएका गुरुङलाई उपचारका लागि ट्रमा सेन्टरमा ल्याइएको बताईको छ। धादिङ स्थायी घर भएका गुरुङ निर्माण व्यवसायीसँग रकम असुल्ने, प्रहरी अधिकृतलाई पनि धम्क्याउने गरेको आरोपमा उनी विरुद्ध उजुरी परेको थियो।