एजेन्सी । फ्रेन्च लिग वानमा मोनाकोले सिजनको पहिलो जित निकालेको छ । मंगलबार राति भएको खेलमा नाइसलाई ३–१ गोल अन्तरले पराजित गर्दै मोनाकोले पहिलो जित निकालेको हो ।

घरेलु मैदानमा मोनाकोलाई जित दिलाउन एलेक्सेन्ड्रा गोभिनले दुई गोल गरे । यस्तै विसम बेन एड्डरले एक गोल गरे । नाइसका प्याट्रिक बर्नरले एक गोल फर्काए ।

नाइसलाई हराएसँगै मोनाकोले ७ खेलपछि पहिलो जित निकाल्न सफल भएको छ । मोनाकोले ७ खेलमा ६ अंक जोडेको छ । मोनाको रेलिगेसन जोनभन्दा एक स्थान माथि छ । चौंथो स्थानको नाइसको १२ अंक रहेको छ ।