एजेन्सी । इंग्ल्याण्डमा सम्पन्न एकदिवसीय विश्वकपको अपार सफलता पछि फेसबुकले अन्तर्राष्ट्रिय क्रिकेट परिषद (आईसीसी) संग सम्झौता गरेको छ। ४ वर्षको लागि अब फेसबुक आईसीसीको डिजिटल कन्टेन्ट राइट पार्टनर भएको छ।

४ वर्षको लागि गरिएको सम्झौता अनुसार अब फेसबुकमा आईसीसीको प्रतियोगिताको हाइलाइटहरु, खेलसंग सम्बन्धित भिडियोहरु लगायत बिभिन्न भिडियो सामग्रीहरु हेर्न पाइनेछ। आईसीसी र फेसबुकले गरेको सम्झौता पछि अब २०२३ सम्म क्रिकेट फ्यानहरुले फेसबुकको एपमै क्रिकेटको मजा लिन पाउनेछन्।

ICC announces ground-breaking partnership with Facebook https://t.co/sLlLntc0lB via @ICC

— ICC Media (@ICCMediaComms) September 26, 2019

२०१९ क्रिकेट विश्वकप विश्वमै धेरै हेरिएको प्रतियोगिता मध्ये रहेको थियो। आईसीसीको डिजिटल मध्यमहरुबाट ४.६ बिलियन पटक प्रतियोगिता सम्बन्धित भिडियोहरु हेरिएको थियो।

आगामी ४ वर्षको अवधिमा आईसीसी टि–२० विश्वकप २०२० , टि–२० विश्वकप २०२१ , एकदिवसीय विश्वकप २०२३, टेस्ट च्याम्पियनसिप फाइनल २०२१ र २०२३, महिला टि–२० र एकदिवसीय विश्वकप , टि–२० विश्वकप छनौट, एकदिवसीय विश्वकप छनौट, यु–१९ विश्वकप जस्ता प्रतियोगिताहरु रहेका छन्।