काठमाडौँ । आज (आइतबार) पनि सुनको भाउ ओरालो लागेको छ । गत बिहिबार ८ सय तथा शुक्रबार २ सय रुपैयाँ घटेको सुनको भाउ आज पनि ६ सय रुपैयाँ घटेको छ।

आज छापावाल सुन प्रतितोला ७० हजार २ सय तथा तेजावी सुन प्रतितोला ६९ हजार ९ सय रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ। शुक्रबार छापावाल सुन प्रतितोला ७० हजार ८ सय तथा तेजावी सुन प्रतितोला ७० हजार ५ सय रुपैयाँमा कारोबार भएको थियो।

आज सुनको भाउसँगै चाँदीको भाउ पनि ओरालो लागेको छ । आज चाँदी प्रतितोला ८ सय ४५ रुपैयाँमा कारोबार भईरहेको छ। शुक्रबार हिजो चाँदी ८ सय ६० रुपैयाँमा कारोबार भएको थियो।