काठमाडौं। गैरआवासीय नेपाली संघ (एनआरएनए)को नयाँ नेतृत्वका लागि भएको मतदानको मतगणना शुरु भएको छ। बिहीबार राती ११ बजेपछि मतगणना शुरु भएको हो।

संघको नेतृत्वका लागि कुल आचार्य र कुमार पन्तका दुई समूह चुनावी मैदानमा छन्। विभिन्न ४१ बदका लागि ७४ जना उम्मेदवार रहेका छन्। पद धेरै भएकाले मतगणना निकै सुस्त हुने सम्भावना रहेको छ।

२ हजार ३ सय ४१ मत खसेको छ। शुक्रबार बिहानसम्म मतगणना सकिने सम्भावना रहेको निर्वाचन समितिले जनाएको छ। बुधबारै विद्युतीय मतदान गरिने भन्दै मतदान शुरु भए पनि मेशिनले काम नगरेपछि बिहीबार मतपत्रमाफर्त मतदान गरिएको थियो।

संघको ९ औं विश्व सम्मेलन तथा महाधिवेशन मंगलबार शुरु भएको थियो। बिहीबार सम्मेलन समापन हुने कार्यतालिका रहे पनि नयाँ नेतृत्व चयनका लागि मतद ान प्रक्रिया ढिलो भएकाले सम्मेलन एक दिन थपिएको छ।