काठमाडौं। इण्डियन प्रिमियर लिग (आइपिएल)को १३ औं संस्करणमा आइपुग्दा पहिलो पटक महिला सपोर्ट स्टाफ नियुक्त भएकी छिन् । भारतको राष्ट्रिय टिमका कप्तानसमेत रहेका विराट कोहलीको कप्तानी रहेको रोयल च्यालेन्जर्स बैंगलोरले आइपिएल इतिहासमै पहिलो पटक महिला सपोर्टस्टाफ नियुक्त गरेको हो । बैंगलोरले मसाज थेरापिस्टको रुपमा नवनिता गौतमलाई नियुक्त गरेको छ ।

Navnita Gautam joins us as a sports massage therapist for the 13th edition of IPL. She will work to identify, and implement massage therapy to help the team prepare and recover better.
.
We are proud to be the first IPL team to have a woman support staff member.
.#PlayBold pic.twitter.com/Y7CFR0WKDB

— Royal Challengers (@RCBTweets) October 17, 2019

आरसीबीले ट्वीट गर्दै लेखेको छ ‘नवनिता गौतम आइपिएलको १३ औं संस्करणको लागि स्पोर्टस मसाज थेरापिस्टको रुपमा हामीसँग जोडिएकी छिन् । उनले टिमलाई तयार गर्न र चोटबाट राम्रोसँग सुधार पाउन सहयोग गर्नको लागि मसाज थेरापीको प्रयोग गर्नेछिन् । हामीलाई महिला स्टाफ सदस्य भएको पहिलो आइपिएल टिम हुनुमा गर्व छ ।’ नवनीताले मसाज थेरापी लागु गर्नको लागि हेड फिजियोथेरापिस्ट इभान स्पिचली र स्ट्रेंथ एण्ड कण्डिसनिङ कोच शंकर बासुको साथमा काम गर्नेछिन् ।