काठमाडौं । प्रो कर्पोरेट क्रिकेट लिग आइतबारबाट सुरु हुने भएको छ । आयोजक भैरहवा क्विन्स प्रालिले शुक्रबार पत्रकार सम्मेलन गर्दै प्रतियोगिता आइतबार सुरु हुने जनाएको छ ।

राइनो स्पोर्ट्सको ब्यबस्थापनमा आयोजना हुने प्रतियोगितामा पाँच टिमको सहभागिता रहने छ । कात्तिक ९ गतेसम्म चल्ने प्रतियोगितामा वर्ल्ड लिंक, क्रिकेट हिमालय, नयाँ पत्रिका, एप्पोन र रिलायबल लाइफ इन्सुरेन्स रहेका छन् ।

लिग चरणका खेलहरु मुलपानी क्रिकेट मैदानमा हुनेछ । सेमिफाइनल र फाइनल खेल भने टियु क्रिकेट मैदानमा हुनेछ । विजेताले ट्रफी मेडल, प्रमाणपत्र पाउने छन् ।

प्लेयर अफ दि सिरिजले ट्रफीसहित एलइडी टिभी, वर्ल्ड लिंकको एक वर्षको नेट टिभी र इन्टरनेट कनेक्सन निशुल्क पाउने छन् । उत्कृष्ट ब्याट्सम्यान, बलर र विकेटकिपरले ६ महिनाको लागि नेट टिभी र इन्टरनेट कनेक्सन निशुल्क पाउने छन् ।