एजेन्सी । क्रिस्टियानो रोनाल्डोको गोलमा युभेन्ट्सले सिरि ए फुटबलमा जित हासिल गरेको छ। शनिबार राति भएको खेलमा युभेन्ट्सले पाहुना टोली बोलोग्नामाथि २–१ को जित निकाल्न सफल भएको हो ।

खेलको १९ औ मिनेटमा रोनाल्डोले घरेलु टोली युभेन्ट्सलाई अग्रता दिलाएका थिए । उनले अघिल्लो सातामात्र कीर्तिमानी ७ सय गोल पुरा गरेका थिए । लारान्गेराले २६ औ मिनेटमा गोल गर्दै खेल पाहुना टोलीलाई बराबरीमा ल्याएका थिए । पजनीले ५४ औ मिनेटमा युभेन्ट्सका लागि विजयी गोल गरे ।

शीर्ष स्थानको युभेन्ट्सले ८ खेलबाट २२ अंक जोडेको छ । उसले दोस्रो स्थानको ईन्टर मिलानसंग चार अंकको अग्रता लिएको छ । बोलोग्ना ९ अंक सहित तालिकाको १२ औ स्थानमा छ ।