एजेन्सी । इन्ग्लिश प्रिमियर लिग फुटबलमा चेल्सीले साँघुरो जित निकालेको छ । शनिबार भएको खेलमा चेल्सीले न्युकासललाई युनाइटेडलाई १–० ले पराजित गरेको छ।

घरेलु मैदानमा चेल्सीलाई जित दिलाउन मार्कुस अलन्सोले निर्णायक गोल गरे । पहिलो हाफ गोलरहित बराबरीमा सकिएको खेलको ७३ औं मिनेटमा अलन्सोले निर्णायक गोल गरे ।

जितसँगै चेल्सी लिगको तेस्रो स्थानमा उक्लिएको छ । चेल्सीले ९ खेलबाट १७ अंक जोडेको छ । पराजित न्युकासल ८ अंक जोडेर रेलिगेसन जोनमा रहेको छ ।

लिग अन्तर्गत नै एस्टन भिल्लाले ब्राइटनलाई २–१ गोल अन्तरले हराएको छ । यस्तै वुल्भ्स र साउथह्याम्पटनले १–१ गोलको बराबरी खेल्दा बर्नेमाउथ र नर्विचले गोलरहित बराबरी खेल्दै अंक बाडेका छन् ।