काठमाडौं । वुमेन च्याम्पियन्स लिग (डब्लुसीएल) क्रिकेट अन्तर्गत आज दुई खेल हुदैछ ।

कीर्तिपुरस्थित टियु क्रिकेट मैदानमा आइतबार हुने पहिलो खेलमा क्याट क्विन्स काठमाडौंले ललितपुर फाल्कोन्ससँग खेल्दैछ । पहिलो खेल बिहान साढे ९ बजे सुरु हुनेछ ।

ललितपुरविरुद्ध मैदान उत्रदा काठमाडौं तेस्रो जितको खोजीमा हुनेछ । र, काठमाडौं प्ले अफमा पुग्ने सम्भावना बलियो बनाउन चाहन्छ । ३ खेलमा ४ अंक जोडेको काठमाडौं तालिकाको दोस्रो स्थानमा छ ।

यता, ललितपुर पहिलो जितको खोजीमा हुनेछ । २ खेलमा जित विहीन ललितपुर पहिलो अंक जोड्न चाहन्छ । ललितपुर तालिकाको पुछारमा रहेको छ ।

अर्को खेलमा विराटनगर टाईटन्स र चितवन टाइगर्सबीच प्रतिस्पर्धा हुनेछ । दुई बीचको खेल दिउँसो साढे १ बजे हुनेछ ।

प्ले अफ पुगिसकेको चितवन लगातार चौंथो खेलमा जित निकाल्ने योजनामा रहेको छ । र, शीर्ष स्थानमा रहदै फाइनल पुग्ने चाहन्छ । ३ खेलमा ६ अंक जोडेको चितवन शीर्ष स्थानमा छ ।

विराटनगर तेस्रो जितको निकाल्दै प्ले अफ सम्भावना कायम राख्न चाहन्छ । तेस्रो स्थानको विराटनगरले ३ खेलमा ४ अंक जोडेको छ ।