एजेन्सी । आईसीसी टी–२० विश्वकप छनोट क्रिकेटमा घरेलु टोली युएईले दोस्रो जित हात पारेको छ ।

सोमबार भएको समूह ‘बी’ को खेलमा यूएईले हङकङलाई आठ विकेटले पराजित गर्दै आफ्नो तेस्रो खेलमा दोस्रो जित हात पारेको हो ।

११७ रनको सामान्य चुनौती पछ्याउँदै ब्याटिङ गरेको यूएईले १५.१ ओभरमा मात्र दुई विकेटको क्षतिमा लक्ष्य पुरा गरेको हो। यूएईका लागि रमिज शाहजादले ५४ रन बनाउँदै अर्धशतक पूरा गरे । त्यस्तै, चिराग सुरीले अविजित ४४ रनको योगदान दिए ।

टस जितेर पहिले ब्याटिङ गरेको हङकङले निर्धारित २० ओभरमा सात विकेटको क्षतिमा ११६ रन मात्रै बनाएको थियो । हङकङका लागि निजकात खानले ३१ र किनचित शाहले ३० रनको योगदान दिए । बलिङतर्फ यूएईका रोहन मुस्तफा र वाहिद अहमदले समान २–२ विकेट लिए ।

यूएईले यसअघि आफ्नो पहिलो खेलमा ओमानसँग सात विकेटको हार ब्यहोरेको थियो । तर दोस्रो खेलमा भने टेष्ट राष्ट्र आयरल्यान्डलाई पाँच विकेटले पराजित गरेको थियो