एजेन्सी । च्याम्पियन्स लिग फुटबलमा टोटेनहमले फराकिलो जित निकाल्न सफल भएको छ । मंगलबार राति भएको खेलमा टोटेनहमले रेड स्टार बेलग्रेडलाई ५–० गोल अन्तरले हराउन सफल भएको हो ।

टोटेनहमको जितमा सन ह्युङ मिन र ह्यारीले केनले समान दुई तथा ईरिक लामिलाले एक गोल गरे । प्रिमियर लिगमा वाटफोर्डसंग बराबरी खेलेपछि टोटेनहमले टिममा चार परिवर्तन गरेको थियो ।

घरेलु मैदानमा भएको च्याम्पियन्स लिगको अघिल्लो खेलमा टोटेनहम जर्मन महारथी बार्यन म्युनिखसंग ७–२ गोल अन्तरले हारेको थियो । समूह बीको खेलमा टोटेनहमले ४ अक जोड्दै दोस्रो स्थानमा उक्लिएको छ । तेस्रो स्थानको रेड स्टारको ३ अंक छ ।

पछिल्लो जितले टोटेनहमको आत्मविश्वास बढ्नेछ । टोटेनहमले आईतबार प्रिमियर लिगमा लिग लिडर लिभरपुलसंग प्रतिस्पर्धा गर्दैछ ।