काठमाडौं। राजधानीको तारकेश्वर नगरपालिकामा रहेको विद्याकुञ्ज स्कुलको छत खस्ता ३६ विद्यार्थी घाइते भएका छन् । बुधबार दिउँसो तारकेश्वर नगरपालिका वडा नम्बर ३ मा रहेको विद्याकुञ्ज इङलिस बोर्डिङ स्कुलको छत खसेको हो ।

महानगरीय प्रहरी वृत्त गौशालाका अनुसार सबै घाइते विद्यार्थीको उद्धार गरिएको छ । सबै विद्यार्थी खतरामुक्त रहेको प्रहरीले जानकारी दिएको छ । घाइते विद्यार्थीहरुको गोंगबुस्थित ग्रिनसिटी अस्पतालमा उपचार भइरहेको छ । घाइते विद्यार्थीहरु ६ देखि १२ वर्ष उमेर समूहका छन् ।