एजेन्सी। भारतीय क्रिकेट टिमका पूर्वकप्तान सौरभ गांगुलीले बुधबार भारतीय क्रिकेट बोर्ड बीसीसीआइको अध्यक्षको पदभार ग्रहण गरे । जिम्मेवारी ग्रहण गरेपछि गांगुलीले अर्का पूर्वकप्तान महेन्द्र सिंह धोनीको विषयमा कुरा गरे । गांगुलीले भने ‘च्याम्पियन यति छिटो सकिँदैनन् । जबसम्म म यहाँ छु यहाँ जो कोहीको सम्मान हुनेछ ।’

विराट कोहलीको विषयमा गांगुलीले भने ‘मेरो उनीसँग बिहीबार भेट हुनेछ । उनी जे चाहन्छन् म उनको हर सम्भव तरिकाले समर्थन गर्नेछु ।’ बोर्डका नयाँ अध्यक्ष गांगुलीले कोहली निकै महत्वपूर्ण व्यक्ति भएको बताए । गांगुलीले अगाडि भने ‘हामी उनलाई पूर्ण रुपमा सुन्नेछौं । एक अर्काको सम्मान हुनेछ र विचारको आदान प्रदान हुनेछ । इमान्दारी र भ्रष्टाचार मुक्त वातावरणसँग कुनै सम्झौता गरिने छैन । बोर्डलाई त्यस्तै गरी चलाउनेछु जसरी मैले टिम इण्डियाको नेतृत्व गरेको थिएँ ।’