एजेन्सी । युरोपा लिग फुटबलमा स्पेनिस क्लब सेभियाले सहज जित निकालेको छ ।

समूह चरण अन्तर्गत बिहिबार राति भएको खेलमा सेभियाले लक्समबर्गको एफ ९१ डुडेलन्जलाई ३–० गोल अन्तरले पराजित गरेको हो । घरेलु मैदानमा सेभियालाई जित दिलाउन फ्रान्को भास्क्वेजले दुई गोल गरे । मुनिर इल हडाडीले एक गोल गरे ।

जितसँगै समूह ए सेभियाले समूह चरणमा अपराजित यात्रा कायम राखेको छ । अपराजित रहेको सेभियाले ३ खेलबाट ९ अंक जोडेको छ । डुडेलन्ज ३ खेलमा ३ अंक जोडेर तेस्रो स्थानमा छ ।