मुम्बइ। बलिउड अभिनेत्री करिना कपुरले आफ्नो अभिनय जीवमै पहिलापटक आमिर खानलको आगामी चलचित्रका लागि अडिसन दिनुपरेको बताएकी छन् । अभिनेत्री कपुरले एक अन्तर्वार्तामा १९ वर्षदेखिको अभिनय यात्राका क्रममा पहिलो पटक आमिर खानको फिल्मका लागि अडिसन दिनुपरेको बताएकी हुन् ।

करिनाले आमिरको आगामी फिल्म ‘लाल सिंह चड्डा’का लागि अडिसन दिएकी हुन् । यो चलचित्र १९९४ मा रिलिज भएको अमेरिकी चलचित्र ‘फरेस्ट गम्प’को रिमेकका रुपमा आउन लागेको हो ।

करिनाले उक्त चलचित्रका लागि अडिसन दिनु आफ्ना लागि अप्रत्यासित भएको बताएकी छन् । यद्यपि चलचित्र क्षेत्रमा भइरहेको परिवर्तनलाई आफूले जहिले पनि स्वीकार गर्ने करिनाको भनाइ छ ।

‘लाल सिंह चड्डा’लाई आमिर खान समेत अभिनित चलचित्र ‘सेक्रेट सुरस्टर’ निर्देशन गरेका उद्वैत चौहानले निर्देशन गरिरहेका छन् ।