एजेन्सी। भारतको राजधानी नयाँ दिल्लीको इन्दिरा गान्धी अन्तर्राष्ट्रिय विमानस्थलको टर्मिनलमा एक शंकास्पद झोला भेटिएको छ । सुरक्षा एजेन्सीका अनुसार यो झोलाभित्र विष्फोटक आरडिएक्स भेडिएको छ । झेलालाई पुलिसले तत्काल नियन्त्रणमा लिएको छ । यसबारे आधिकारिक रुपमा पुष्टि भने भइनसकेको बताइएको छ ।

हिन्दुस्तान टाइम्का अनुसार शुक्रबार बिहान १ बजेको आसपासमा पुलिसलाई शंकापद झोला भेटिएको सूचना प्राप्त भएको थियो । तत्काल घटनास्थल पुगेको पुलिसले झोला नियन्त्रणमा लिएर जाँच गर्दा त्यहाँ आरडिएक्स भएको आशंका गरिएको छ । विमानस्थलबाहिर भेटिएको झोलालाई बमप्रुफ गाडीमा राखेर लगिएको थियो । अहिले यसको फरेन्सिक टिमले जाँच गरिरहेको छ जसको पुष्टि हुन २४ घण्टाको समय लाग्ने बताइएको छ ।