काठमाडौं। मेरिलेबोन क्रिकेट क्लव र नेपालबीच किर्तिपुरमा जारी प्रथम श्रेणी क्रिकेटको पहिलो इनिङमा एमसीसी ३६४ रनमा अल आउट भएको छ । ३ दिनसम्म चल्ने यो खेलको दोस्रो दिन एमसीसी अलआउट भएको हो । अब केहीबेरमा नेपालले ब्याटिङ थाल्नेछ ।

पहिलो इनिङमा एमसीसीमा लागि विल रोड्सले ७३, विलि गोडलेम्यानले १०, टम वेस्टलेले ३९, मिल्स हामोन्डले ५२, विलियम वान्डर्सपरले ५३, एड योङले १७, एलेक्स थम्पसनले ३०, यासिर अराफातले ६५, क्रिस राइटले ४ र ओलिभर हाननले १० रन बनाए । नेपालका लागि करण केसी र सन्दिप लामिछानेले ३–३ तथा सोमपाल कामी र शरद भेषावकरले २–२ विकेट लिए ।