काठमाडौं । पूर्वयुवराज पारस शाह अहिले देशका विभिन्न स्थानमा घुमिरहेका छन् । यही बीचमा सामाजिक संजालमा उनका केही तस्वीरहरु निकै भाइरल भइरहेका छन् । यी तस्वीरहरु मुस्ताङमभा खिचिएका हुन् । बिहीबार मुक्तिनाथ दर्शन गरेका तस्विर सामाजिक सञ्जालमा भाइरल भएपछि यी तस्वीरमा विभिन्न खाले सकारात्मक र नकारात्मक दुवै किसिमका प्रतिक्रिया आइरहेका छन् ।

तस्वीरमा पूर्वयुवराज ‘मनमौजी’ पारामा छन् । उनका तस्वीरमा हेर्दा उनलाई बाहिरी संसारको कुनै मतलब नभएको र उनी आफ्नै पारामा मस्त रहेको देखिन्छ । यही कारण केहीले उनीमाथि नशाको ओभरडोजमा भएको आरोप समेत लगाएका छन् । केहीले भने उनको यो स्वच्छन्द पारालाई उनको आफ्नै शैली भनेका छन् । पछिल्लो समय उनले मोडल सोनिका रोकायालाई पिङ खेलाउदै गरेको भिडियो चर्चित बनेको थियो । यो भ्रमणमा उनी सोनिकासँगै गएको सार्वजनिक भएका भिडियो फुटेज हेर्दा अनुमान गर्न सकिन्छ ।