काठमाडौं । नेपाल भ्रमणमा रहेको मेरिलेबोन क्रिकेट क्लब (एमसीसी) ले अहिले नेपालको मिक्स टिमविरुद्ध टी–ट्वान्टी क्रिकेटमा प्रतिस्पर्धा गरिरहेको छ । टस हारेर बलिङ गरेको नेपालले १९० रनको लक्ष्य पाएको छ।

कीर्तिपुरस्थित टियु क्रिकेट मैदानमा भएको खेलमा एमसीसीले निर्धारित २० ओभरमा ७ विकेट गुमाएर १८९ रन बनायो। एमसीसीका लागि बिल्ली गोडलम्यानले ५४ रनको अर्धशतकीय पारी खेले। यस्तै एड योङले ४२ रन तथा माइल्स हेमण्डले २९ बनाए।

नेपालका लागि राशिद खानले ३ विकेट लिए। नेपाल रोहित कुमार पौडेलको कप्तानीमा मैदान उत्रिएको छ ।

नेपालको सुरुवाती ११ – रोहित कुमार पौडेल, जितेन्द्र मुखिया, आसिफ शेख, कुशल भुर्तेल, अविनाश बोहरा, राशिद खान, कमल सिंह ऐरी, भीम सार्की, नन्दन यादव, सन्दीप जोरा, सुशन भारी