काठमाडौं। आयुष्मान खुरानाको बलिउड फिल्म बालाले बक्स अफिसमा राम्रो कमाइ गरेको छ । विगत तीन दिनयता हलमा बालाका शोहरु हाउसफुल चलिरहेका छन् । फिल्मले २ दिनमै लगानी उठाइसकेको थियो । तेस्रो दिनको कमाइले बालाको विकेण्ड बम्बर भएको देखाएको छ ।

ट्रेड एनालिस्ट तरण आदर्शका अनुसार बालाले पहिलो दिन १०.१५ करोड, शनिबार १५.७३ करोड र आइतबार १८.०७ करोड कमाइ गरेको छ । फिल्मले ३ दिनमा कूल ४३.९५ करोडको बिजनेस गरेको छ ।