एजेन्सी। बंगलादेशको ब्राह्मणबरिया जिल्लामा सोमबार राती २ यात्रुवाहक ट्रेन एक आपसमा ठोक्किँदा १५ जनाको मृत्यु भएको छ । कैयौं घाइते भएका छन् । पुलिसका अनुसार यो दुर्घटना गएराती २ बजे भएको हो । उदयन एक्सप्रेस प्लेटफार्मतर्फ बढिरहेको बेला अर्को एक ट्रेनसँग ठोक्किँदा २ कोट नराम्रोसँग षतिग्रस्त भएको पुलिसले जनाएको छ ।

जिल्ला प्रमुखले दुर्घटनामा मृतकको पुष्टि गरेका छन् । घाइते कैयौं यात्रुको स्थिति गम्भीर भएकोले मृतकको संख्या बढ्न सक्ने उनले बताए । घटनाको कारण अहिलेसम्म पत्ता लागेको छैन । उद्धार कार्य भइरहेको बताइएको छ । स्थानीय सरकारका प्रशासक हयात उद दौलाका अनुसार दुर्घटनामा ४० जना घाइते भएका छन् ।