काठमाडौं । भारतीय क्रिकेटर सचिन तेन्दुल्करले प्रधानमन्त्री केपी शर्मा ओलीलाई भेटेका छन् । शुक्रबार नेपाल आइपुगेका सचिनले आइतबार प्रधानमन्त्री ओलीलाई भटेका हुन् । प्रधानमन्त्री केपी शर्मा ओलीले ट्विटरमार्फत प्रसिद्ध क्रिकेटर तथा युनिसेफको सद्भावना दूत सचिनसँग भेट गरेको उल्लेख गरेका छन् ।

Pleased to meet with @sachin_rt, famous cricket player, and UNICEF goodwill ambassador today. He appreciated the efforts undertaken by Nepal for the promotion of the rights of the children and their welfare. pic.twitter.com/va9pENNVJd

— KP Sharma Oli (@PM_Nepal) November 17, 2019

उनले नेपालले बालअधिकारको प्रबर्द्धनको क्षेत्रमा गरेको योगदानको प्रशंसा गरेको जनाएका छन् । सचिनले शनिबार बिहान पशुपतिनाथ मन्दिरको दर्शन गरेका थिए । बालअधिकारसम्बन्धी महासन्धी पारित भएको ३० वर्ष पुगेको उपलक्ष्यमा युनिसेफ नेपालले सचिनलाई नेपाल बोलाएको हो । सचिन शनिबार त्रिवि क्रिकेट मैदान पुगेर मैत्रीपूर्ण क्रिकेट म्याच खेलेका थिए ।