काठमाडौं। यूएईमा जारी टी टेन लीग प्रतियोगिताको आइतबारको खेलमा नेपाली क्रिकेटर सन्दीप लामिछाने आवद्ध कर्नाटाका टस्करले तस हारेपछि पहिला ब्याटिंगको निम्तो पाएको छ। बांगला टाइगरर्सले टस जितेर पहिला फिल्डिंग गर्ने निर्णय गरेपछि टस्करले पहिला ब्याटिंग गर्नुपर्ने भएको हो।

टस्करले पहिलो खेल जितिसकेको छ। सन्दीपले पहिलो खेलमा बहिलो बलमै बोल्ड गर्दै विकेट लिएर सनसनी मच्चाएका थिए। दोस्रो खेलमा पनि सन्दीपले मौका पाएका छन्।

आइतबारै भएको यसअघिको खेलमा अर्का नेपाली क्रिकेटर पारस खड्का आवद्ध टिम आबुधाबीले जित हात पारेको छ। दुई खेल खेको आबुधाबीको यो पहिलो जित हो।

पहिलो जित हात पार्ने क्रममा आबुधाबीले नर्दन वारियर्सलाई ६ विकेटले पराजित गरेको हो। ९३ रनको लक्ष्य पाएको आबुधाबीले ४ विकेट गुमाएर ९ औं ओभरमा खेल जितेको हो।

आबुधाबीको जित ल्यूक राईटले ४८ रन बनाए भने कप्तान मोइन अलीले ३० रन बनाए। पारसले नटआउट एक रन बनाए।

टिमलाई जितका लागि २ रन आवश्यक हुँदा नाटकीय रुपमा आबुधाबीले तीन विकेट गुमाएको थियो। पारसले एक बलमा एक रन बनाउँदै स्कोर लेभल गरे भने एल डेभिसले विजयी एक रन बनाए। पहिलो खेल बराबरी खेलको आबुधाबीले दोस्रो खेलमा जित निकालेको हो।