एजेन्सी । इन्ग्लिश क्लब टोटेनहमले जोसे माउरिन्होलाई मुख्य प्रशिक्षक नियुक्त गरेको छ । टोटेनहमले बुधबार माउरिन्होलाई मुख्य प्रशिक्षकको जिम्मेवारी दिएको हो ।

मुख्य प्रशिक्षक माउरिसियो पोचेटिनोलाई बर्खास्त गर्दै टोटेनहमले ५६ वर्षिय माउरिन्होलाई नियुक्त गरेको हो। नयाँ सिजनमा निकै निराशाजनक नतिजाको कारण टोटेनहमले ५ वर्षभन्दा बढि बिताएका पोचिटिनोलाई मंगलबार बर्खास्त गरेको थियो।

पोचिटिनोलाई क्लबले सन् २०१४ मा अनुबन्धन गरेको थियो । उनकै नेतृत्वमा टोटेनहमले अघिल्लो सिजनको च्याम्पियन्स लिगको फाईनल खेलेको थियो । माउरिन्हो चेल्सी र म्यानचेष्टर यूनाईटेडका पूर्व प्रशिक हुन्।