काठमाडौं। यूएईमा जारी टी टेन लीग अन्तर्गत बुधबार नेपाली स्पीनर सन्दीप लामिछाने आवद्ध कर्नाटाका टकर्स र महराठा अरेबियनबीच खेल भइरहेको छ। कटर्सले पहिला बलिंग गरिरहेका छ।

सन्दीपले टिमका लागि पाँचौ ओभरमा बलिंग गरेका छन्। आफ्नो पहिलो ओभरमा सन्दीप निकै महँगो भएका छन्। तर, दोस्रो ओभरमा भने सन्दीपले निकै आक्रामक ब्याटिंग गरिरहेका आडम लिथलाई क्याच आउट गराए। सन्दीपले विकेट लिएपछि खेल हेर्न मैदान पुगेका नेपालीहरु खुशीले उफ्रेका थिए।

लिथ १९ बलमा ५० रन बनाएर आउट भएका छन्।

सन्दीपको पहिलो ओभरकै पहिलो बलमा लिथले नै छक्का हानेका थिए। उनलाई आडम लिथले पहिलो बलमा छक्का हानेका थिए। दोस्रो बल डट खेलेका लिथले तेस्रो बलमा सन्दीपलाई फेरि छक्का हाने। चौथो र पाँचौ बलमा एक एक् रन दिएका सन्दीपले अन्तिम बलमा भने कुनै रन दिएनन्। उनले एक ओभरमा १४ रन दिएका छन्। यसअघिको खेलमा पनि सन्दीप निकै महंगो भएका थिए। कैरन पोलार्डले उनलाई लगातार ४ छक्का हानेका थिए।

अरेबियन्सले ८ ओभरमा २ विकेटमा १०१ रन बनाइसकेको छ।