काठमाडौं । विश्वकप छनोट अन्तर्गत कुवेतविरुद्व खेल्न भुटान गएको राष्ट्रिय फुटबल टिम आज स्वदेश फर्कदैछ ।

नेपाली टिम दिउँसो २ बजेर २० मिनेटमा त्रिभुवन अन्तराष्ट्रिय विमानस्थलमा उत्रने अखिल नेपाल फुटबल संघ (एन्फा)ले जनाएको छ । विश्वकप छनोट खेल्न नेपाली टिम भुटान गएको थियो । दशरथ रंगशाला तयार नभएपछि नेपालले आफ्नो पहिलो घरको खेल भुटानमा गएको थियो ।

भुटानमा भएको खेलमा नेपाली टिम कुवेतसंग १–० ले पराजित भएको थियो । कुवेतमा भएको पहिलो लेगको खेलमा भने नेपाल ७–० ले हारेको थियो ।