एजेन्सी । अनु मलिकलाई भारतीय रियालिटी शो इन्डियन आइडल–११ बाट हटाइएको छ । इण्डियन आइडल ११ को निर्णायक बनेसँगै भारतीय गायक तथा संगीतकार अनु मलिकको चर्को आलोचना भइरहेको थियो ।

अनु मलिकमाथि कैयौँ कहिलाहरुले ‘मिटू’ अभियानअन्तर्गत यौन शोषणको आरोप लगाएका थिए । यसअघि पनि मलिकले ‘मिटू’ अभियानअन्तर्गत यौन शोषणको आरोप लागेपछि शो छोड्नु परेको थियो ।

रिपोर्टअनुसार अनु मलिक अब इन्डियन आइडल ११ बाट बाहिरिइसकेका छन् । उनको स्थानमा शोमा कसको आगमन हुनेछ भन्ने बारेमा अहिले कुनै जानकारी सार्वजनिक गरिएको छैन । अनु मलिकलाई आरोप लागेपछि सोनी टेलिभिजनलाई राष्ट्रिय महिला आयोगले स्पष्टीकरण दिन पत्र पठाएको थियो ।

यस विषयमा मिडियासँग कुरा गर्दै अनु मलिकले आफू कुनै पनि किसिमको दबाबमा आएर नभई आफ्नो स्वेच्छाले शोबाट बाहिरिएको बताएका छन् । उनले भने, ‘मैले स्वेच्छाले यो निर्णय लिएको हुँ । म यस शोबाट तीन हप्ताको बिदा लिएर जाँदैछु र अब म आफ्नो नाममा लागेको दाग हटाएरै फर्कनेछु ।’

My open letter to the honourable minister for women & child development.??. @smritiirani ,I hugely admire you, your tenacity & commitment to work for the welfare of people in India & I request you to please read this.Many more women are writing in to me privately about this man?? pic.twitter.com/Z8bU8RG528

— ShutUpSona (@sonamohapatra) November 21, 2019

भारतीय गायिका सोना मोहापात्रा र नेहा भसीनले अनु मलिक इण्डियन आइडल–११ को निर्णायक बनेलगत्तै आपत्ति जनाएका थिए । साथै सोना मोहा पात्राले महिला एवं बाल विकास मन्त्री स्मृति इरानीलाई खुल्ला पत्र लेखेर अनु मलिकलाई निर्णायकको पदबाट हटाउन माग गरेकी थिइन् ।

यसअघि सन् २०१८ मा गायिका सोना मोहापात्रा, नेहा भसीन र श्वेता पण्डितलगायत कैयौँ महिलाहरुले अनु मलिकमाथि यौन शोषणको आरोप लगाएका थिए । त्यसपश्चात अनु मलिकलाई इण्डियन आइडल शोबाट हटाइएको थियो । त्यसको एक वर्ष नबित्दै फेरि ११औं सिजनमा तीनै अनु मलिकलाई निर्णायक बनाएर ल्याइयो । मलिकलाई शोमा ल्याइएपछि सोना, नेहा र श्वेताले सामाजिक सञ्जालमार्फत चर्को विरोध गरेका थिए ।

गायिका सोना मोहापात्राले सामाजिक सञ्जालमार्फत मिडिया तथा आफ्ना समर्थकहरुलाई धन्यवाद दिएकी छिन् ।

Thank you to all the women & men & the media of India who supported our campaign #MoveOutMalik . A repeat offender like Anu Malik on national tv triggered a lot of trauma, pain & stress in many of our lives. I have been ill for a while & I hope to sleep well tonight. ??

— ShutUpSona (@sonamohapatra) November 21, 2019