काठमाडौं। बलिउडपछि हलिउडमा राम्रो पहिचान बनाइसकेकी अभिनेत्री प्रियंका चोपडा अहिले भारतमा छिन् । हालै उनले इन्स्टाग्राममा एउटा फोटो शेयर गरिन् जुन फोटोमा उनी कार चलाइरहेकी देखिएकी छिन् । यो फोटो देखेपछि सामाजिक संजालमा उनको गाडी चलाउने दक्षताका विषयमा धेरै प्रश्न गरिएको छ ।

अहिले प्रियंकाले मुम्बइमा फिल्म ह्वाइट टाइगरको सुटिङ गरिरहेकी छिन् । हालै मुम्बइ पुगेकी प्रियंकाले मुम्बइकै सडकमा कार चलाएकी हुन् । यो फोटोमा प्रश्न उठ्ने मुख्य कारण पछिल्लो लामो समय प्रियंका अमेरिकामा बस्नु हो । अमेरिकामा गाडीको ड्राइभरको सिट बायाँतर्फ हुन्छ तर भारतमा दायाँतर्फ हुन्छ । यही कारण कसरी प्रियंकाले पटक पटक ठाउँ फेरेर गाडी चलाउन सक्छिन् भने प्रश्न उठेको हो ।