एजेन्सी। सनी लियोनी फेरि एकपटक रागिनी एमएमएस सिरिजमा जोडिएकी छिन् । सनीले आफ्नो इन्स्टाग्राममा यसको घोषणा गरेकी हुन् । उनले लेखेकी छिन् ‘सनी बिना रागिनी एमएमएस रिटर्नस ? हुनै सक्दैन ।’ यसअघि एकता कपूरले एक भिडियो शेयर गरेकी थिइन् । यसमा उनले भनेकी थिइन् कि रागिनी एमएमएसमा नुन बढाउनको लागि कोही आउँदैछ । यो फिल्म अर्को वर्ष आउनेछ ।

रिपोर्टअनुसार सनी यो फिल्ममा खास डान्स नम्बर ‘हेल्लो जी’ गर्नेछिन् । यो गीतलाई मीत ब्रदर्शले कम्पोज गरेका हुन् । यसअघि सनीले २०१४ मा रागिनी एमएमएस २ मा बेबी डल गीतबाट धेरै चर्चा बटुलेकी थिइन् । यो अल्टबालाजी र जी फाइभको सिरिज हो । यो रागिनी एमएमएस रिटर्नसको दोस्रो सिजन हो । यो सिजनमा वरुण सूद र दिव्या अग्रवाल हुनेछन् । एकता कपूरले २०११ मा रागिनी एमएमएस र २०१४ मा रागिनी एमएमएस २ बनाएकी थिइन् । दोस्रो भागमा सनी नै मुख्य भूमिकामा थिइन् ।