काठमाडौं । साढे तीन वर्षसम्म अन्तर्राष्ट्रिय क्रिकेट परिषद (आइसीसी)को निलम्बनमा परेर डेढ महिनाअघि मात्र शर्तसहित निलम्बन फुकुवा भएको नेपाल क्रिकेट संघ (क्यान) लाई लगाइएका शर्तहरु अब हटाइने संकेत देखिएको छ । यी शर्तबारे छलफल गर्न आईसीसीको टोली काठमाडौं आउँदैछ ।

टोली नोभेम्बर अन्तिममा आउने बताइए पनि मिति भने तय भएको छैन । आईसीसीको शर्तबारे आधिकारिक जानकारी नआएपनि प्रशासनिक संचरना र कन्ट्रोल फन्ड सञ्चालन नै आईसीसीको शर्त रहेको महासचिव अशोकनाथ प्याकुरेलले बताए । उनले यही विषयमा नै आईसीसी प्रतिनिधी टोलीसँग छलफल हुने जानकारी दिए ।