एजेन्सी । इंग्लिश प्रिमियर लिग फुटबलमा आज म्यानचेस्टर युनाइटेडले नव प्रवेशी क्लब सेफिल्ड युनाइटेडसँग प्रतिस्पर्धा गर्दैछ । युनाइटेडले सेफिल्डसँग उसैको मैदानमा खेल्नेछ । सेफिल्ड र युनाइटेडबीचको खेल राति १०ः१५ मा सुरु हुनेछ ।

सेफिल्डविरुद्ध मैदान उत्रँदा युनाइटेड सहज जितको खोजीमा हुनेछ । तर, सेफिल्डविरुद्ध युनाइटेडलाई सहज जित निकाल्न कठिन चुनौती भने रहेको छ । यस सिजन उत्कृष्ट प्रदर्शन गर्न नसकिरहेको युनाइटेड १२ खेलमा १६ अंक जोडेर १० औं स्थानमा रहेको छ । १७ अंक जोडेको सेफिल्ड आठौं स्थानमा रहेको छ ।

युनाइटेड सेफिल्डलाई हराउँदै अंक तालिका सुधारको लक्ष्यमा हुनेछ । सेफिल्ड पनि युनाइटेडलाई स्तब्ध पार्दै अंक तालिका सुधार्न चाहन्छ । यस्तै अर्को खेलमा एस्टन भिल्लाले न्युकासल युनाइटेडसँग खेल्नेछ ।