काठमाडौं । दक्षिण एसियाली खेलकुद सागका लागि भलिबल कोर्टमा नयाँ म्याट विछ्याइएको छ । उक्त म्याटमा पुरुष र महिला भलिबल प्रतियोगिताहरु हुनेछन ।

नयाँ म्याट आएपछि भलिबल संघलाईपनि अरु प्रतियोगिता गर्न सहज हुनेछ । सागको औपचारिक उद्घाटन भन्दा अगाडी नै भलिबल प्रतियोगिता सुरु हुनेछ । समूह ए मा रहेका नेपाल र भारतसँगै बंगलादेश पनि रहेको छ । यस्तै समूह बी मा श्रीलंका, पाकिस्तान र माल्दिभ्स रहेका छन् । नेपालले समूहको पहिलो खेलमा आगामी बुधबार बंगलादेशसंग खेल्नेछ । समुह चरणको अन्तिम खेलमा मंसिर १३ गते भारतसंग खेल्नेछ ।

प्रतियोगिता लिग कम नकआउटका आधारमा सञ्चालन हुनेछ । नेपालले यसपटक पुरूषमा पनि पदकको आशा गरेको छ । पुरूष भलिबल बैदेशिक प्रशिक्षणका लागि भारत गएको थियो । जसमा उसले तीन वटा मैत्रीपुर्ण खेल खेलेको थियो । पछिल्लो पटक एभिसी सेन्ट्रल जोनपनि खेलेको नेपाली टिमले नेदरल्याण्ड्सका प्रशिक्षकलाइ सागका लागि बोलाएको छ ।